Ang Tungkong Tawisi

Ang Tungkong Tawisi

 Sabi ng mamay sa akin…Ay Otoy, ang ating buhay ay hindi perpek, tayo'y may angking galing at may bulok ding taglay.

At tamo na ga la'ang iyang tungko, iya'y ako ang humulma’t yumari pero tingnan mo’t hindi pantay at tawisi.

Pero iya'y nagagaw-an ng paraan na pumantay ang naka sig-ang. At iyay marani'y….may kalang na bato o latang piningkot. Gay-an din ang ating buhay, iya'y gagaw-an mo ng paraan na pag iki'y may mali…..ay agad mong itatama at ng ang problema'y hindi na toong lumaki.

Noong ako'y lumaki na't nagkaroon na rin ng sariling pamilya'y saka ko rin nga la'ang napagtantong totoo nga pala at tama ang sabi sa akin ng Mamay.

Pag Nasabit ang Tilin Mo

 Ah ah ay areng Ate, ay hindi mapigilan sa pag-akayat sa puno ng bayabas. Nang makitang luyok sa bunga eh, karaka'y nakalantak kaagad ng akyat eh... ay ang Inay naman ay sa lalabas ng basaysay, ay di ga'y palakat na ng matan-awang ang Ate'y pandagisdis na sa pag-akyat... At ang sigaw ay gar'ne...

" Ay pukikinang-inamuka, anaki'y ike talanding pusa diyang hindi ka matilaman...Ay kung sa pag-daplas mong yan ay mapasabit  sa sanga ang iyong tilin diyang tinamaan ka ng magaling na bata ka, ay pag di yan ay halit! Baba... baba diyan at pag nahulog nama'y  ga karaka na'y pipiyagak ng iyak, pag nasaktan nama'y ga atungal na kaagad na akala mo'y pinag-api... ay hulong... ay mapapag-asbaran pa kitang bata ka".
Ay di ang Ate nama'y pandalas nga sa pagbaba at baka nga naman mapasabit ang tilin ay naku... ay pihong mahapdi... Ay kainaman na!

Saying Sayi sa Ulan

Saying Sayi sa Ulan

Garning garne kami ng Kuya noong bata pa kami. Pag inabot ng ulan sa daan galing sa paaralan ay kaagad na kukuha ng dahon ng saging para gaw'ing pandong... minsan nga ay pag may dahon ng gabi ay yun ang aming dukwang agad. Ay ano gang gagaw'in ay walang payong eh. May pagdaang ang suot pang sapatos ay butas na sa dulo, ay kahit gay'oy pinagtya-tyagaan at nag-aarimuhanan at ng makatipid ng may maibiling pang ulam sa binalot. Kami noo'y tawanan pa sa daan kapag gar'neng inaabot ng lurok ng ulan... minsan pa'y pag walang wala at talagang hindi kami makahagilap ng dahon ng saging o kaya naman ay dahon ng gabi ay di ang gawa ay patikaran na la'ang pabahay. Kaya naman pagdating sa bahay ay nakuw... kaluykoy na at ginaw na ginaw... kami naman nga'y laging handa.. yung sako ng harinahan na ginawang bag ng inay ay lagi kaming may baong plastik at kapag gay'ong alam na naming lulurok ang ulan ay di binabalot agad namin ng plastik ang aming bag para hindi mabasa ang aming mga aklat at notebook. Kaya kahit na kami'y magpatikaran sa daan at magsabuyan ng putik ay ayos la'ang. Yan ga namang ang iyong dadaanan ay pag tuntong mo sa kalsada'y halos lubog hanggang tuhod sa lalim ng putik dahil sa daan ng paragos... pero kahit gay'on ay baken baga masaya... ako'y hindi man la'ang nakaramdam ng pagkaawa sa aking sarili noon at ramdam ko pa'y gustong gusto ko yung akong pagtatampisam sa lanip na daanan...

Ala-ala ng Kabataan

For More Videos:

Kapirasong Tabla                                               Walanghiyang Bata
Ako'y Tutula                                                       Bukayo At Pakumbo
Ang Holdaper                                                    Si Pinsang Karyo
Nung Ako'y Bata Pa                                          Bubot Pa Si Ligaya
Ang Daing Ni Luming                                        Ala-ala ng Kabataan
Pitakang Yari sa Purong Balat                          Balik Tanaw Ulit
Tigas Titig                                                          Lumang Tugtugin
Testigo Sa Korte                                                Kalahating Guhit
Binata Magsasaing                                            Nalalayuan Pa Ang Lagay Na Are
Ang Mamay Itong                                              Bagong Kasal
Si Makaryong Astig                                           Si Talyong At Vicente
Saying-sayi                                                        Loming Ibaan
Hinoldap                                                            Balik Tanaw Sa Kabataan
Santa Clara Song